(BCN) الرحلات إلى برشلونة

الإقامة في برشلونة

برشلونة مدينة متنوعة جدًا، والسكن فيها بيناسب كل الأذواق والميزانيات. سواء بتحب تكون في قلب المعالم، أو عايز جو هادي بعيد عن الزحمة، أو حتى بتدور على مكان اقتصادي، أكيد هتلاقي الاختيار اللي يناسبك.

مركز المدينة (Ciutat Vella & Gothic Quarter)

لو عايز تكون قريب من أشهر معالم برشلونة زي لا رامبلا، الكاتدرائية القوطية، وساحة كاتالونيا، يبقى السكن في قلب المدينة هو الأنسب. المنطقة دي مليانة فنادق بوتيك صغيرة وشقق سياحية، وهتخليك في قلب الأحداث.

أحياء راقية زي Eixample وGràcia

Eixample معروف بشوارع واسعة ومعمار جاودي زي كازا باتيو ولا ساجرادا فاميليا. المنطقة دي راقية وهادية وفيها فنادق من مستويات مختلفة. أما Gràcia فحي شبابي ومليان كافيهات وأسواق محلية، مثالي للي بيحبوا أجواء فنية ومختلفة.

مناطق اقتصادية زي Poblenou وSant Antoni

لو مسافر بميزانية محدودة، المناطق دي فيها شقق صغيرة وهوستلات بأسعار مناسبة جدًا. كمان المواصلات ممتازة من هناك، يعني تقدر توصل لأي مكان في المدينة بالمترو في دقائق.

معلومات تهمك قبل رحلتك لبرشلونة

قبل ما تطير لبرشلونة، في شوية تفاصيل مهمة هتخلي رحلتك أسهل وأمتع. هنا جمعنالك أهم المعلومات اللي أي مسافر محتاج يعرفها، وكل عنوان فيه معلومات سريعة وروابط لو حابب تدخل في تفاصيل أكتر.

الفيزا والدخول

متطلبات الفيزا لإسبانيا بتختلف حسب جنسيتك ونوع الفيزا اللي مقدم عليها وكمان حسب سنك ومدة اقامتك في أسبانيا. أول خطوة وأهم خطوة تعملها إنك تدخل موقع وزارة الخارجية الأسبانية اللي هيوافيك بكل التفاصيل. وكمان ممكن تتابع آخر التحديثات قبل التقديم وكمان تقدر تشوف صفحة الفيزا على موقع بيجاسوس اللي مليانة بالإرشادات والنصائح للي هتساعدك في موضوع الفيزا وكمان ممكن تستعين بصفحة Timatic الإرشادية اللي هتسهل عليك حاجات كتير.

ميزانيتك في برشلونة

برشلونة أسعارها متوسطة مقارنة بعواصم أوروبية تانية. وجبة في مطعم متوسط حوالي 15–20 يورو، وكوباية قهوة 2–3 يورو. الفنادق 3 نجوم أسعارها بتبدأ من 70–100 يورو في الليلة. المواصلات العامة أوفر، وكارت Hola Barcelona بيخليك تستخدم المترو والباص والترام بشكل غير محدود لمدة أيام معينة. دخول أماكن زي Park Güell أو Sagrada Familia: من 10 إلى 25 يورو.

نصائح للسفر إلى برشلونة

العملة الرسمية هي اليورو (€). مكاتب الصرافة مش في كل مكان، فالأفضل تبدّل فلوسك في المطار أو البنوك. أفضل أوقات الزيارة الربيع (مارس–مايو) والخريف (سبتمبر–أكتوبر) عشان الجو معتدل والزحمة أقل. الصيف بيكون حار ومزدحم بالشواطئ والسياح، والشتا أبرد بس برضه مناسب. وسط المدينة آمن نسبيًا، لكن زي أي مدينة سياحية لازم تاخد بالك من متعلقاتك خصوصًا في الأماكن المزدحمة.

الطقس في برشلونة

برشلونة مدينة على البحر الأبيض المتوسط، وده بيخلي جوها معتدل وممتع أغلب السنة، بس برضو لازم تبقى عارف كل موسم بيقولك إيه، عشان تحضر شنطتك صح وتستمتع بكل لحظة. الجو في برشلونة مشمس أغلب السنة. الصيف دافي وحر أوقات، ودرجات الحرارة بتوصل 30 درجة. الربيع والخريف أنسب وقت للزيارة عشان الجو لطيف والمشي ممتع. الشتاء بارد وممطر أحيانًا لكن مش قارس زي مدن أوروبية تانية.

أرقام تهمك

●      كود الدولة (إسبانيا): +34

●      كود مدينة برشلونة: 93

●      رقم الطوارئ (شرطة/إسعاف/مطافي): 112

●      رقم مطار برشلونة (BCN): +34 913 21 10 00

مطار برشلونة الدولي (BCN)

مطار برشلونة إل برات (BCN)

مطار برشلونة إل برات (BCN) هو المطار الرئيسي للمدينة وثاني أكبر مطار في إسبانيا بعد مدريد، ويقع على بُعد حوالي 15 كيلومترًا من مركز برشلونة، حيث يخدم ملايين الركاب سنويًا من مختلف أنحاء العالم. المطار بيتميز بمساحته الكبيرة وانقسامه إلى صالتين رئيسيتين (T1 وT2)، وكل واحدة منهما مجهزة بخدمات حديثة تجعل تجربة السفر مريحة وسهلة. ويجمع مطار إل برات بين الخدمات المتكاملة والتنظيم الأوروبي، وده بيخليه بداية مثالية لأي رحلة إلى برشلونة أو كاتالونيا. داخل المطار، يمكن للركاب الاستمتاع بمجموعة واسعة من المطاعم والكافيهات التي تقدم المأكولات الإسبانية التقليدية إلى جانب الأطباق العالمية، وفوق ده كله فيه محلات السوق الحرة التي توفر الهدايا والعطور والشوكولاتة والأزياء. وكمان موجودة مكاتب صرافة وماكينات ATM لتغيير أو سحب الأموال، ومواقف سيارات واسعة للمدد القصيرة والطويلة متصلة مباشرة بالصالات. ويوفر المطار أيضًا صالات انتظار VIP مزودة بالواي فاي والمأكولات والمشروبات، إلى جانب خدمات مخصصة لذوي الاحتياجات الخاصة وممرات تسهّل التنقل. وللعائلات، هتلاقي مناطق لعب للأطفال وصالات انتظار مريحة، مكاتب لتأجير السيارات داخل المطار،أماكن خاصة بالحيوانات الأليفة بالإضافة إلى خدمة واي فاي مجانية في جميع الصالات. لو بتدور على سفرية تفضل تحكي عنها وتفتكرها في كل مرة تسمع فيها موسيقى أسباني أو تشم ريحة بحر يبقى لازم تحجز رحلتك لبرشلونة مع بيجاسوس، وتبدأ الحكاية.

تعمل ايه في برشلونة؟

أماكن لازم تزورها في برشلونة

برشلونة مدينة مليانة تاريخ وثقافة وفن معماري مميز، خصوصًا أعمال جاودي اللي خلتها مدينة فريدة من نوعها. من الشوارع الحيوية للساحات القديمة، كل مكان فيها ليه سحر خاص. ومن أهم المعالم اللي لازم تزورها:

●      كنيسة ساجرادا فاميليا (Sagrada Família)

●      شارع لا رامبلا (La Rambla)

●      كازا باتيو وكازا ميلا (Casa Batlló & Casa Milà)

●      متحف بيكاسو (Picasso Museum)

●      ملعب كامب نو (Camp Nou)

●       شارع Passeig de Gràcia، وهناك هتلاقي بيوت معمولة على إيد الفنان المعماري "جاودي"، زي Casa Batlló وCasa Milà. 

●      حي القوطي المعروف بـ Gothic Quarter، شوارع ضيقة، مباني قديمة، وجو تاريخي هيرجعك لعصور زمان، وكله في قلب المدينة القديمة.

●       Park Güell. الحديقة دي مصممة بفن عجيب وألوان مبهجة، وهتلاقي نفسك بتتصوّر في كل ركن فيها.

●      La Rambla، الشارع الحيوي اللي دايمًا زحمة بحركة الناس، الفنانين، والموسيقيين.

●      شاطئ Barceloneta، أو حتى انزل الميّة لو الجو حلو  الشاطئ هناك نظيف وفيه مطاعم كتير حوالين الكورنيش. 

●       Poble Espanyol: دي قرية مصغرة فيها نماذج لمباني تقليدية من كل أنحاء إسبانيا، وكمان فيها متاجر بتبيع حاجات يدوية مميزة لو عايز تشتري هدايا.

أنشطة لازم تجربها في برشلونة

برشلونة مش بس مجرد مدينة تاريخية، هي كمان وجهة نابضة بالحياة على مدار 24 ساعة ومليئة بالأنشطة الممتعة التي تناسب جميع الأذواق. يمكنك التمشية في شارع لا رامبلا وسط الأجواء الصاخبة والفنانين والأسواق المفتوحة، أو الاستمتاع بعرض فلامنكو أصيل يعكس الروح الإسبانية. واوعى تفوت الجلوس على شاطئ بارسلونيتا (Barceloneta Beach) للاستمتاع بمنظر البحر، أو القيام بجولة تسوق في شارع Passeig de Gràcia الذي يضم أشهر بيوت الأزياء العالمية. كمان ممكن تتذوق الأطباق الكتالونية التقليدية مثل الباييا والتاباس، والانطلاق في جولة بالدراجة بين شوارع المدينة وأحيائها القديمة. ولو انت بقا من عشاق كرة القدم، فحضور مباراة في ملعب الكامب نو أو القيام بجولة داخله، دى هتكون تجربة متتنسيش!  ومتنساش تكمل رحلتك في برشلونة.