(TBS)رحلات إلى تبليسي

إقامتك في تبليسي

تبليسي مدينة متنوعة وفيها اختيارات كتير للسكن تناسب كل الأذواق والميزانيات. سواء بتحب تعيش وسط التاريخ والمعالم القديمة، أو عايز تبعد عن الزحمة وتستمتع بالهدوء، أو حتى بتدور على اختيارات اقتصادية، هتلاقي اللي يناسبك.

المدينة القديمة (Old Tbilisi)
لو بتحب تبقى قريب من التاريخ والمعالم السياحية، المنطقة دي أنسب مكان. هتلاقي نفسك ماشي وسط بيوت قديمة وشوارع ضيقة مرصوفة بالحجر، وكله حواليك على مسافة مشي: من الحمامات الكبريتية للمتاحف والكنائس. السياح اللي بيحبوا يستكشفوا على رجليهم بيفضلوا يسكنوا هنا.

Rustaveli
المنطقة دي قلب المدينة النابض. لو بتحب تكون وسط الحركة والزحمة، هتلاقي مطاعم، كافيهات، ومحلات تسوق على طول الشارع الرئيسي. كمان هتكون قريب من المترو، يعني تقدر توصل لأي حتة بسهولة. الاختيار ده مناسب للناس اللي عايزة تبقى في وسط الأحداث.

Vera وVake
لو نفسك في جو هادي أكتر بعيد عن الزحمة، المناطق دي مثالية. Vera مشهورة بالكافيهات الصغيرة والجو الشبابي، أما Vake فهي منطقة راقية وهادية، فيها مساحات خضرا ومنتزهات. الاتنين دول أنسب حاجة للعائلات أو للناس اللي بتحب الاسترخاء بعد يوم طويل من التمشية.

معلومات تهمك قبل ما تسافر تبليسي 

جمعنالك شوية معلومات أساسية ممكن تحتاجها في رحلتك. حاجات بسيطة كده بس هتفيدك، زي تفاصيل مهمة عن المكان اللي رايح له. هنقسمهم تحت عناوين فرعية علشان توصل للي عايزه بسرعة، ومن غير ما نطوّل عليك. ولو حبيت تعرف أكتر، هتلاقي روابط توديك على صفحات تانية فيها تفاصيل زيادة. يعني ببساطة، كل اللي محتاج تعرفه وأنت مسافر... هتلاقيه هنا!

الفيزا والدخول

متطلبات الفيزا لجورجيا بتختلف حسب الجنسية، نوع الفيزا، السن، والمدة اللي ناوي تقعدها. عشان كده دايمًا الأفضل إنك تراجع آخر التحديثات من الموقع الرسمي للتأشيرات الإلكترونية أو السفارة/القنصلية قبل ما تسافر. تقدر تشوف آخر معلومات الفيزا على صفحة الفيزا الخاصة بجورجيا في موقع بيجاسوس وكمان متنساش تستفيد من الصفحة الإرشادية Timatic اللي هتسهل عليك حاجات كتير قبل السفر. 

ميزانيتك في تبليسي

جورجيا من البلاد اللي بتوفرلك تجربة سفر ممتعة ومريحة من غير ما تدفع كتير. الوجبة في مطعم شعبي تكلفك حوالي 5 دولار، أما مطعم متوسط هتدفع من 10 لـ15 دولار. المواصلات العامة بتكلفك أقل من دولار للتذكرة، وتأجير عربية في اليوم بيبدأ من 25 لـ30 دولار. لو هتسكن في فندق 3 نجوم، السعر بيكون حوالي 30 لـ50 دولار في الليلة، أما الهوستلات أو الشقق الصغيرة فبتبدأ من 15 دولار في الليلة. يعني بميزانية يومية حوالي 40 لـ60 دولار، تقدر تستمتع بالمدينة من غير ما تشيل هم المصاريف.

نصائح للسفر إلى تبليسي

اللغة الرسمية هناك هي الجورجية، لكن في كتير من الناس بيفهموا إنجليزي، خصوصًا الشباب والعاملين في السياحة. العملة المحلية هي اللاري الجورجي (GEL)، ويفضل تبدّل من مكاتب الصرافة جوه المدينة، مش المطار. الدفع بالكاش شائع، بس بطاقات الفيزا والماستر كارد بتتقبل في معظم الأماكن السياحية. الإنترنت متوفر تقريبًا في كل مكان، والكافيهات والفنادق فيها واي فاي ببلاش. يفضل إنك تنزل تطبيق Bolt علشان التاكسيات، لأنه أرخص من التاكسي العادي. وخد بالك، التعامل هناك لطيف والناس بيحبوا الزوار، بس احترام العادات والتقاليد بيخلّي تجربتك أحسن وأريح.

الطقس في تبليسي

الجو في تبليسي متنوع على مدار السنة، وده بيخليها وجهة مناسبة في أي وقت. في الصيف (يونيو – أغسطس) الجو بيكون حر ومشمس، ودرجات الحرارة ساعات توصل 35، فالأحسن تاخد معاك لبس خفيف ونضارة شمس. في الربيع والخريف (مارس – مايو وسبتمبر – نوفمبر) الجو معتدل ومناسب للتمشية وسط الخضرة والمناظر الطبيعية، وده أحلى وقت لزيارة المدينة. أما في الشتا (ديسمبر – فبراير) الجو بيبقى برد وممكن ينزل تلج خفيف، فهتحتاج جاكيت تقيل ولبس دافي. ومن الأفضل دايمًا يبقى معاك شمسية صغيرة أو جاكيت ضد المطر، عشان المطر ساعات بينزل بشكل مفاجئ في أي موسم.

أرقام تهمك

●      كود جورجيا: +995

●      كود مدينة تبليسي: ‎32

●      رقم الطوارئ (شرطة/إسعاف/مطافي): ‎112

●      رقم مطار تبليسي الدولي (TBS): ‎+995 32 231 04 21

مطار تبليسي (TBS)

مطار تبليسي TBS مطار صغير نسبيًا لكنه منظم ومجهز بأحدث وسائل التكنولوجيا الخاصة بإدارة المطارات، وده بيخليه سهل الاستخدام وبيوفر تجربة سفر مريحة للمسافرين. ورغم حجمه الصغير لكنه فيه كل اللي محتاجه الراكب من ساعة ما يوصل لحد ما يسافر، فيه مكاتب صرافة لتبديل العملات بسهولة، وكافيهات ومطاعم صغيرة للأكل والشرب قبل الطيارة، وكمان محلات هدايا وسوق حر تقدر تشتري منه تذكارات. المطار فيه خدمة واي فاي مجانية في كل أرجاءه، ومعاه جراجات واسعة قريبة من البوابات الرئيسية. وكمان بيهتم براحة الركاب ذوي الاحتياجات الخاصة بخدمات مخصصة ليهم، بالإضافة لكاونترات استعلامات وأكشاك معلومات تساعد أي مسافر وترد على استفساراته. مع الأسعار المعقولة، والخدمة الممتازة، وسهولة الحجز أونلاين، بيجاسوس هي الاختيار الصح لأي حد عايز يسافر من غير تعقيدات. احجز دلوقتي وسافر لتبليسي وعيش تجربة مش هتتنسي!

تعمل ايه في تبليسي؟

أماكن لازم تزورها في تبليسي

تبليسي مدينة مليانة تاريخ وثقافة، وبتجمع بين آثار قديمة ومعمار عصري. وأجمل حاجة إنك في كل شارع هتلاقي حتة من الحكاية. ومن أهم المعالم اللي لازم تشوفها:

●      الحي القديم (Old Tbilisi)

●      قلعة ناركيلا (Narikala Fortress)

●      كاتدرائية ساميبا (Sameba Cathedral)

●      جسر السلام (Bridge of Peace)

●      حديقة النباتات الوطنية (National Botanical Garden)

●      المتحف الوطني الجورجي (Georgian National Museum)

●      حمّامات أباناتوبني الكبريتية

أنشطة لازم تجربها في تبليسيتبليسي مش بس مدينة للتمشية وزيارة المعالم، دي كمان مليانة تجارب وأنشطة تخليك تعيش الرحلة على أصولها. ممكن تسترخي في الحمامات الكبريتية المشهورة في حي أباناتوبني، أو تعمل جولة ماشي أو بالقارب على نهر كورا عشان تستمتع بجو المدينة من زاوية مختلفة. كمان تقدر تركب التلفريك وتطلع على Mtatsminda Park وتشوف إطلالة بانورامية روعة على تبليسي. ولو بتحب الأكل، ورش الطبخ الجورجية هتبقى فرصة حلوة تتعلم فيها أكلات تقليدية زي الخاتشابوري والخينكالي. ما تنساش كمان التسوق من سوق Dry Bridge Market اللي فيه هدايا وتحف مميزة، أو تقضي وقت لطيف في القهاوي الصغيرة في الحي القديم مع فنجان قهوة جورجية أصيلة.